อรรถกถาบาลี อักษรไทย
บาลีอักษรโรมัน ฉบับสยามรัฐ
อรรถกถาบาลี อักษรไทย
อาคู ๔- ปญฺจสิโข เจว, ติมฺพรู สุริยวจฺฉสา"ติ อิเม เทวราชาโน.
บาลีอักษรโรมัน ฉบับสยามรัฐ
[242] Purimañca disaṃ rājā dhataraṭṭho pasāsati gandhabbānaṃ ādhipati mahārājā yasassi so. Puttāpi tassa bahavo indanāmā mahabbalā iddhimanto jutimanto vaṇṇavanto yasassino modamānā abhikkāmuṃ bhikkhūnaṃ samitiṃ vanaṃ. Dakkhiṇañca disaṃ rājā virūḷho tappasāsati kumbhaṇḍānaṃ ādhipati mahārājā yasassi so. Puttāpi tassa bahavo indanāmā mahabbalā iddhimanto jutimanto vaṇṇavanto yasassino modamānā abhikkāmuṃ bhikkhūnaṃ samitiṃ vanaṃ. Pacchimañca disaṃ rājā virūpakkho pasāsati nāgānaṃ ādhipati mahārājā yasassi so. Puttāpi tassa bahavo indanāmā mahabbalā iddhimanto jutimanto vaṇṇavanto yasassino Modamānā abhikkāmuṃ bhikkhūnaṃ samitiṃ vanaṃ. Uttarañca disaṃ rājā kuvero tappasāsati yakkhānaṃ ādhipati mahārājā yasassi so. Puttāpi tassa bahavo indanāmā mahabbalā iddhimanto jutimanto vaṇṇavanto yasassino modanānā abhikkāmuṃ bhikkhūnaṃ samitiṃ vanaṃ. Purimadisaṃ dhataraṭṭho dakkhiṇena virūḷhako pacchimena virūpakkho kuvero uttaraṃ disaṃ cattāro te mahārājā samantā caturo disā daddallamānā aṭṭhaṃsu vane kāpilavatthave.
อรรถกถาบาลี อักษรไทย
ตตฺถ เทวสูโตติ เทวสารถิ. จิตฺตเสโนติ จิตฺโต จ เสโน จ จิตฺตเสโน จ. คนฺธพฺโพติ อยํ จิตฺตเสโน คนฺธพฺพกายิโก เทวปุตฺโต. น เกวลญฺเจส, สพฺเพเปเต ปนาทาทโย คนฺธพฺพาเอว. นโฬราชาติ นฬการเทวปุตฺโต นาม เอโก. ชโนสโภติ ชนวสโภ เทวปุตฺโต. อาคู ปญฺจสิโข เจวาติ ปญฺจสิโข เจว เทวปุตฺโต อาคโต. ติมฺพรูติ ติมฺพรุ นาม คนฺธพฺพเทวราชา. สุริยวจฺฉสาติ ตสฺเสว ธีตา.
อรรถกถาบาลี อักษรไทย
เอเต จญฺเญ จ ราชาโน, คนฺธพฺพา สห ราชุภีติ เอเต จ นามวเสน วุตฺตคนฺธพฺพราชาโน อญฺเญ จ เอเตหิ ราชูภิ สทฺธึ พหู คนฺธพฺพา. โมทมานา อภิกฺกามุํ, ภิกฺขูนํ สมิตึ วนนฺติ หฏฺฐตุฏฺฐจิตฺตา ภิกฺขูนํ สมิตึ อิมํ วนํ อาคตาต อตฺโถ.
อรรถกถาบาลี อักษรไทย
[๓๓๘] อถาคู นาภสา ๕- นาคา, เวสาลา สหตจฺฉกาติ นภสทหวาสิกา ๖- จ เวสาลิวาสิกา จ นาคา สห ตจฺฉกนาคปริสาย อาคตาติ อตฺโถ. กมฺพลสฺสตราติ กมฺพโล จ อสฺสตโร จ. เอเต กิร สิเนรุปาเท วสนฺติ, สุปณฺเณหิปิ อนุทฺธรณียา มเหสกฺขา นาคา. ปายาคา สห ญาติภีติ ปยาคปฏฺฏนวาสิโน ๗- จ นาคา สห ญาติสงฺเฆน อาคตา.