อรรถกถาบาลี อักษรโรมัน
บาลีอักษรโรมัน ฉบับสยามรัฐ
อรรถกถาบาลี อักษรโรมัน
[14] Paṭisallānā vuṭṭhitoti ekībhāvā vuṭṭhito.
บาลีอักษรโรมัน ฉบับสยามรัฐ
[14] Dhammatā esā bhikkhave yadā bodhisatto mātu kucchiṃ okkanto hoti cattāro [1]- devaputtā cātuddisaṃ rakkhāya upagacchanti mā naṃ bodhisattaṃ vā bodhisattamātaraṃ vā manusso vā amanusso vā koci [3]- viheṭhesīti. Ayamettha dhammatā.
อรรถกถาบาลี อักษรโรมัน
[16] Ito so bhikkhaveti kā anusandhi? idañhi suttaṃ "tathāgatassevesā Bhikkhave dhammadhātu supaṭividdhā"ti ca "devatāpi tathāgatassa etamatthaṃ ārocesun"ti ca imehi dvīhi padehi āraddhanti. Tattha devatāārocanapadaṃ suttantapariyosāne devacārikāya kolāhalaṃ dassento vicāressati. Dhammadhātupadānusandhivasena pana ayaṃ desanā āraddhā. Tattha khattiyo jātiyātiādīni ekādasa padāni nidānakaṇḍe vuttanayeneva veditabbāni.
บาลีอักษรโรมัน ฉบับสยามรัฐ
[16] Dhammatā esā bhikkhave yadā bodhisatto mātu kucchiṃ okkanto hoti na bodhisattamātu purisesu mānasaṃ uppajjati kāmaguṇūpasaṃhitaṃ anatikkamaniyā va bodhisattamātā hoti kenaci purisena rattacittena. Ayamettha dhammatā.
อรรถกถาบาลี อักษรโรมัน
Bodhisattadhammatāvaṇṇanā
อรรถกถาบาลี อักษรโรมัน
[17] Athakho bhikkhave vipassī bodhisattotiādīsu pana vipassīti. Tassa nāmaṃ, taṃ ca kho vividhe atthe passanakusalatāya laddhaṃ. Bodhisattoti paṇḍitasatto bujjhanakasatto. Bodhisaṅkhātesu vā catūsu maggesu satto āsatto laggamānasoti bodhisatto. Sato sampajānoti ettha satoti satiyeva.
บาลีอักษรโรมัน ฉบับสยามรัฐ
[17] Dhammatā esā bhikkhave yadā bodhisatto mātu kucchiṃ Okkanto hoti lābhinī bodhisattamātā hoti pañcannaṃ kāmaguṇānaṃ . Sā pañcahi kāmaguṇehi samappitā samaṅgibhūtā paricāreti . Ayamettha dhammatā.