อรรถกถาบาลี อักษรโรมัน
บาลีอักษรโรมัน ฉบับสยามรัฐ
อรรถกถาบาลี อักษรโรมัน
Mahāgovindavatathuvaṇṇanā
บาลีอักษรโรมัน ฉบับสยามรัฐ
[222] Athakho bho te cha khattiyā yathāsakena lābhena attamanā ahesuṃ paripuṇṇasaṅkappā yaṃ vata no ahosi icchitaṃ yaṃ ākaṅkhitaṃ [7]- adhippetaṃ yaṃ abhipatthitaṃ taṃ no laddhanti.
อรรถกถาบาลี อักษรโรมัน
[305] Bhavamatthu bhavantaṃ jotipālanti bhoto jotipālassa bhavo vuḍḍhi visesādhigamo sabbaṃ kalyāṇaṃ ceva mahāmaṅgalañca hotūti attho.
อรรถกถาบาลี อักษรโรมัน
Sammodanīyaṃ kathanti "alaṃ mahārāja mā cintayi, dhuvadhammo esa sabbasattānan"ti ādinā nayena maraṇapaṭisaṃyuttaṃ sokavinodanaṃ paṭisanthārakathaṃ pariyosāpetvā. Māno bhavaṃ jotipālo māṇavo anusāsaniyā paccabyāhāsīti mā paṭibyāhāsi, "anusāsā"ti vutto "nāhaṃ anusāsāmī"ti evaṃ no mā anusāsaniyā paccakkhāsīti attho. Abhisambhosīti saṃvidahi paṭṭhapesi.
อรรถกถาบาลี อักษรโรมัน
Manussā evamāhaṃsūti taṃ pitarā mahāpaññataraṃ sabbakiccāni anusāsantaṃ sabbakammante abhisambhavantaṃ disvā tuṭṭhacittā govindo vata bho brāhmaṇo, mahāgovindo vata bho brāhmaṇoti evaṃ āhaṃsu. Idaṃ vuttaṃ hoti "govindo vata bho brāhmaṇo ahosi etassa pitā, ayaṃ pana mahāgovindo vata bho brāhmaṇo"ti.