อรรถกถาบาลี อักษรโรมัน
บาลีอักษรโรมัน ฉบับสยามรัฐ
อรรถกถาบาลี อักษรโรมัน
Somanassapaṭilābhakathāvaṇṇanā
บาลีอักษรโรมัน ฉบับสยามรัฐ
[271] Athakho sakko devānamindo pañcasikhaṃ gandhabbaputtaṃ āmantesi bahūpakāro kho mesi tvaṃ tāta pañcasikha yaṃ tvaṃ bhagavantaṃ paṭhamaṃ pasādesi tayā tāta paṭhamaṃ pasāditaṃ pacchā mayaṃ taṃ bhagavantaṃ dassanāya upasaṅkamimhā arahantaṃ sammāsambuddhaṃ pettike [3]- ṭhāne ṭhapayissāmi gandhabbarājā bhavissasi bhaddañca te suriyavacchasaṃ dammi sā hi te abhipatthitāti. {271.1} Athakho sakko devānamindo pāṇinā paṭhaviṃ parāmasitvā tikkhattuṃ udānaṃ udānesi namo tassa bhagavato arahato sammāsambuddhassa. Namo tassa bhagavato arahato sammāsambuddhassa. Namo tassa bhagavato arahato sammāsambuddhassāti.
อรรถกถาบาลี อักษรโรมัน
[368] Vedapaṭilābhanti tuṭṭhipaṭilābhaṃ. Devāsurasaṅgāmoti devānaṃ ca asurānaṃ ca saṅgāmo. Samupabyūḷhoti samosaṇṇo nalāṭena nalāṭaṃ paharaṇākārappatto viya. Etesaṃ kira kadāci mahāsamuddapiṭṭhe saṅgāmo hoti, tattha
อรรถกถาบาลี อักษรโรมัน
Kadāci devā jinanti, kadāci asuRā. Tattha yasmiṃ saṅgāme devā puna apaccāgamanāya asure jiniṃsu. Taṃ sandhāya tasmiṃ kho pana bhanteti ādimāha. Ubhayametthāti ubhayaṃ etaṃ, duvidhaṃpi ojaṃ ettha devaloke devāyeva paribhuñjissantīti evamassa āvajjentassa balavapītisomanassaṃ uppajji. Sadaṇḍāvacaroti sadaṇḍo avacarako, daṇḍaggahaṇena satthaggahaṇena saddhiṃ ahosi, na nikkhittadaṇḍasatthoti dasseti. Ekantanibbidāyāti ekanteneva vaṭṭe nibbindanatthāya. Sabbaṃ mahāgovinde vuttameva.
อรรถกถาบาลี อักษรโรมัน
[369] Pavedesīti kathesi dīpesi. Idhevāti imasmiṃyeva okāse. Devabhūtassa me satoti devassa me sato. Punevāyu ca me laddhoti puna aññena kammavipākena me jīvitaṃ laddhanti, iminā attano cutibhāvañceva upapannabhāvaṃ ca āvikaroti.