Sabbe vijitasaṅgāmā bhayātītā yasassino

modanti saha bhūtehi sāvakā te janesutāti.

Tattha modanti saha bhūtehīti dasabalassa sāsane bhūtehi sañjātehi ariyehi saddhiṃ modanti pamodanti. Janesutāti janesu vissutā pākaṭā abhiññātā.

Imaṃ pana mahāsamayasuttaṃ nāma devatānaṃ piyaṃ manāpaṃ, tasmā maṅgalaṃ vadantena abhinavaṭṭhānesu idameva suttaṃ vattabbaṃ.