[413] Uddisitvāti tesaṃ attānañca paṭisāmitabhaṇḍañca dassetvā, sampaṭicchāpetvāti attho. Vippalapantassevāti "putto me dhītā me dhanaṃ me"ti vippalapantasseva. Nirayapālesūti niraye kammakaraṇayuttesu. Ye pana "kammameva kammakāraṇaṃ karoti, natthi nirayapālā"ti vadanti, te "tamenaṃ bhikkhave nirayapālā"ti

Devadūtasuttaṃ paṭibāhanti. Manussaloke rājakulesu kāraṇikamanussā viya hi niraye nirayapālā honti.

Gūthakūpapurisūpamāvaṇṇanā

[415] Veḷupesikāhīti veḷuvilibbakehi. Sunimmajjitanti yathā suṭṭhu nimmajjitaṃ hoti, evaṃ nimmajjitaṃ hoti. Evaṃ nimmajjatha, apanethāti attho.