อิธ กมฺมํ นาม ทีฆรตฺตํ กตํ ทานาทิสงฺคหกมฺมํ. กมฺมสริกฺขกํ นาม โย เอวํ อสงฺคาหโก โหติ, โส อิมินา การเณนสฺส อสงฺคาหกภาวํ ชโน ชานาตูติ อิธ ๔- ถทฺธหตฺถปาโท เจว โหติ, วิสมฏฺฐิตสฺเสว ๕- ลกฺขโณ จ. ตถาคตสฺส ปน ทีฆรตฺตํ สงฺคาหกภาวํ สเทวโก โลโก อิมินา การเณน ชานาตูติ อิมานิ เทฺว ลกฺขณานิ นิพฺพตฺตนฺติ. ลกฺขณํ นาม อิทเมว ลกฺขณทฺวยํ. สุสงฺคหิตปริชนตา อานิสํโส.

[๒๑๑] กริยาติ กริตฺวา. จริยาติ จริตฺวา. อนวมเตนาติ อนวญฺญาเตน. "อนมเทนา"ติปิ ๖- ปาโฐ, น อปฺปมาเทน น ทินฺเนน น วมฺภิเตนาติ ๗- อตฺโถ.

@๔ ฉ.ม., อิ. อิธ สทฺโท น ทิสฺสติ ๕ ฉ.ม. วิสมฏฺฐิตาวยวลกฺขโณ ๖ สี. อนปวา