[๒๕๕] เอวํ จตฺตาโร อมิตฺเต ทสฺเสตฺวา ปุน ตตฺถ เอเกกํ จตูหิ การเณหิ วิภชนฺโต จตูหิ โข คหปติปุตฺตาติ อาทิมาห. ตตฺถ อญฺญทตฺถุหโร โหตีติ เอกํเสน หารโกเยว โหติ. สหายสฺส เคหํ ริตฺตหตฺโถ อาคนฺตฺวา

@๓ อิ. สุขา ๔ ฉ.ม. อิ. ทสฺเสติ นิวตฺถสาฏกาทีนํ วณฺณํ ภาสติ, โส "อติวิย ตฺวํ สมฺม อิมสฺส วณฺณํ ภาสตี"ติ อญฺญํ นิวาเสตฺวา ตํ เทติ. อปฺเปน พหุมิจฺฉตีติ ยงฺกิญฺจิ อปฺปกํ ทตฺวา ตสฺส สนฺติกา พหุํ ปฏฺเฐติ. ภยสฺส กิจฺจํ กโรตีติ อตฺตโน ภเย อุปฺปนฺเน ตสฺส ทาโส วิย หุตฺวา ตํ ตํ กิจฺจํ กโรติ, อยํ สพฺพทา น กโรติ, ภเย อุปฺปนฺเน กโรติ, น เปเมนาติ อมิตฺโต นาม ชาโต. เสวติ อตฺถการณาติ มิตฺตสนฺถววเสน น เสวติ, อตฺตโน อตฺถเมว ปจฺจาสึสนฺโต ๑- เสวติ.

[๒๕๖] อตีเตน ปฏิสนฺถรตีติ สหาเย อาคเต "หิยฺโย วาเร ๒- น อาคโตสิ, อมฺหากํ อิมสฺมึ วาเร สสฺสํ อติวิย นิปฺผนฺนํ, พหูนิ สาลิยวพีชาทีนิ ฐเปตฺวา มคฺคํ โอโลเกนฺตา นิสีทิมฺหา, ๓- อชฺช ปน สพฺพํ ขีณนฺ"ติ เอวํ อตีเตน สงฺคณฺหาติ. อนาคเตนาติ "อิมสฺมึ วาเร อมฺหากํ สสฺสํ มนาปํ ภวิสฺสติ, ผลภารภริตา สาลิอาทโย, สสฺสสงฺคเห กเต ตุมฺหากํ สงฺคหํ กาตุํ สมตฺถา ภวิสฺสามา"ติ เอวํ อนาคเตน สงฺคณฺหาติ. นิรตฺถเกนาติ หตฺถิกฺขนฺเธ วา อสฺสปิฏฺเฐ วา นิสินฺโน สหายํ ทิสฺวา "เอหิ โภ อิธ นิสีทา"ติ วทติ. มนาปํ สาฏกํ นิวาเสตฺวา "สหายกสฺส วต เม อนุจฺฉวิโก อญฺโญ ๔- ปน มยฺหํ นตฺถี"ติ วทติ, เอวํ นิรตฺถเกน สงฺคณฺหาติ นาม. ปจฺจุปฺปนฺเนสุ กิจฺเจสุ พฺยสนํ ทสฺเสตีติ "สกเฏน เม อตฺโถ"ติ วุตฺเต "สาธุ อปิจ ๕- จกฺกมสฺส ภินฺนํ, อกฺโข ภินฺโน"ติ ๖- อาทีนิ วทติ.