[๓๐๑] ตสฺส กาลกิริยายาติ อาทีสุ ยํ วตฺตพฺพํ, ตํ สพฺพํ เหฏฺฐา วุตฺตเมว.

[๓๐๒] อามนฺเตสีติ ภณฺฑนาทิวูปสมกรํ สฺวากฺขาตํ ธมฺมํ เทเสตุกาโม อามนฺเตสิ.

เอกกวณฺณนา

[๓๐๓] ตตฺถาติ ตสฺมึ ธมฺเม. สงฺคายิตพฺพนฺติ สมคฺเคหิ สงฺคายิตพฺพํ, ๑- เอกวจเนหิ อวิรุทฺธวจเนหิ ภณิตพฺพํ. ๒- น วิวทิตพฺพนฺติ อตฺเถ วา พฺยญฺชเน วา วิวาโท น กาตพฺโพ. เอโก ธมฺโมติ เอกกทุกฺกติกาทิวเสน ๓- พหุธา สามคฺคีรสํ ทสฺเสตุกาโม ปฐมํ ตาว "เอโก ธมฺโม"ติ อาห.