อาหุเนยฺยคฺคีติอาทีสุ อาหุนํ วุจฺจติ สกฺกาโร, อาหุนํ อรหนฺตีติ อาหุเนยฺยา. มาตาปิตโร หิ ปุตฺตานํ พหูปการตาย อาหุนํ อรหนฺติ. เตสุ วิปฺปฏิปชฺชมานา ปุตฺตา นิรยาทีสุ นิพฺพตฺตนฺติ. ตสฺมา กิญฺจาปิ มาตาปิตโร น อนุทหนฺติ, อนุทหนสฺส ปน ปจฺจยา โหนฺติ. อิติ อนุทหนฏฺเฐน อาหุเนยฺยคฺคีติ วุจฺจนฺติ. สฺวายมตฺโถ มิตฺตวินฺทุกวตฺถุนา ๘- เวทิตพฺโพ:-

@๔ ฉ.ม. จ สทฺโท น ทิสฺสติ ๕ ฉ.ม., อิ. ปริวตฺติตฺวา ๖ ฉ.ม. อิ. วตฺถุ

@๗ ฉ.ม. ตาสํ ๘ ฉ.ม., อิ. มิตฺตวินฺทกวตฺถุนา. ขุ.ชา. ๒๗/๗๙๓/๑๘๐ (สยา)