อปุญฺโญ จ โส อภิสงฺขาโร จาติ อปุญฺญาภิสงฺขาโร. อกุสลจิตฺตสมฺปยุตฺตานํ ๔- เจตนานํ เอตํ อธิวจนํ. วุตฺตํปิ เจตํ "ตตฺถ กตโม อปุญฺญาภิสงฺขาโร. อกุสลเจตนา กามาวจรา, อยํ วุจฺจติ อปุญฺญาภิสงฺขาโร"ติ. ๕-

@๓ ฉ.ม. สาธูติ ๔ ฉ.ม. ทวาทสอกุสลจิตฺตสมฺปยุตฺตานํ ๕ อภิ. วิ. ๓๕/๒๒๖/๑๖๑ อาเนญฺชํ นิจฺจลํ สนฺตํ วิปากภูตํ อรูปเมว อภิสงฺขโรตีติ อาเนญฺชาภิสงฺขาโร. จตุนฺนํ อรูปาวจรกุสลเจตนานํ เอตํ อธิวจนํ. ยถาห "ตตฺถ กตโม อาเนญฺชาภิสงฺขาโร. กุสลเจตนา อรูปาวจรา, อยํ วุจฺจติ อาเนญฺชาภิสงฺขาโร"ติ. ๑- (๓๕)

ปุคฺคลตฺติเก สตฺตวิโธ ปุริสปุคฺคโล, ติสฺโส สิกฺขา สิกฺขตีติ เสกฺโข. ขีณาสโว สิกฺขิตลิกฺขตฺตา ปุน น สิกฺขตีติ อเสกฺโข. ปุถุชฺชโน สิกฺขาหิ ปริพาหิรตฺตา เนวเสกฺโข นาเสกฺโข. (๓๖)