ปตฺตํ ปูเรตฺวา อานีตํ น ปฏิคฺคเหตพฺพํ, อนุปสมฺปนฺเน สติ เตน คาหาเปตพฺพํ, อสติ หราเปตฺวา ปฏิคฺคหณมตฺตํ คเหตพฺพํ. อยํ ปริมาณสนฺโตโส นาม.

"ชิฆจฺฉาย ปฏิวิโนทนํ อิทเมตฺถ นิสฺสรณนฺ"ติ เอวํ ปริภุญฺชนํ ปริโภคสนฺโตโส นาม.

นิทหิตฺวา นิทหิตฺวา น ปริภุญฺชิตพฺพํ. อยํ สนฺนิธิปริวชฺชนสนฺโตโส นาม.

มุขํ อโนโลเกตฺวา สาราณียธมฺเม ฐิเตน วิสชฺเชตพฺพํ. อยํ วิสชฺชนสนฺโตโส นาม.