สมณมจโลติ สมณอจโล. มกาโร ปทสนฺธิมตฺตํ. โส โสตาปนฺโน เวทิตพฺโพ. โสตาปนฺโน หิ จตูหิ วาเตหิ อินฺทขีโล วิย ปรปฺปวาเทหิ อกมฺปิโย. อจลสทฺธาย สมนฺนาคโตติ สมณมจโล. วุตฺตมฺปิ เจตํ "กตโม จ ปุคฺคโล สมณมจโล, อิเธกจฺโจ ปุคฺคโล ติณฺณํ สญฺโญชนานํ ปริกฺขยา"ติ ๒- วิตฺถาโร. ราคโทสานํ ปน ตนุภูตตฺตา สกทาคามี สมณปทุโม นาม. เตนาห "กตโม จ ปุคฺคโล สมณปทุโม, อิเธกจฺโจ ปุคฺคโล ติณฺณํ สญฺโญชนานํ ปริกฺขยา ราคโทสโมหานํ ตนุตฺตา สกทาคามี โหติ, สกิเทว อิมํ โลกํ อาคนฺตฺวา ทุกฺขสฺสนฺตํ กโรติ. อยํ วุจฺจติ ปุคฺคโล สมณปทุโม"ติ. ราคโทสานํ อภาวา ขิปฺปเมว ปุปฺผิสฺสตีติ อนาคามี สมณปุณฺฑรีโก นาม. เตนาห "กตโม จ ปุคฺคโล สมณปุณฺฑรีโก, อิเธกจฺโจ ปุคฺคโล ปญฺจนฺนํ โอรมฺภาคิยานํ ฯเปฯ อยํ วุจฺจติ ปุคฺคโล สมณปุณฺฑรีโก"ติ. ๓- อรหา ปน สพฺเพสํปิ ถทฺธกรกิเลสานํ ๔- อภาวา สมเณสุ สมณสุขุมาโล นาม. เตนาห "กตโม จ ปุคฺคโล
@๓ อภิ. ปุ. ๓๖/๑๔๐/๒๑๙ จตุกฺกนิทฺเทโส ๔ ฉ.ม., อิ. คนฺถการกิเลสานํ สมเณสุ สมณสุขุมาโล, อิเธกจฺโจ ปุคฺคโล อาสวานํ ขยา ฯเปฯ อุปสมฺปชฺช วิหรติ. อยํ วุจฺจติ ปุคฺคโล สมเณสุ สมณสุขุมาโล"ติ. ๑- (๕๐)
"อิเม โข อาวุโส"ติอาทิ วุตฺตนเยเนว โยเชตพฺพํ. อิติ สมปญฺญาสาย จตุกฺกานํ วเสน เทฺว ปญฺหสตานิ กเถนฺโต เถโร สามคฺคีรสํ ทสฺเสสีติ.