@กุนฺถกิปิลฺลกฆาตาทีนิ ๓ ฉ.ม. วิยสฺสตีติ, อิ. วยสฺสตีติ สีลพฺยสนํ. ทุสฺสีลฺยสฺเสตํ นามํ. สมฺมาทิฏฺฐึ วินาสยมานา อุปฺปนฺนา ทิฏฺฐิเยว พฺยสนํ ทิฏฐิพฺยสนํ. เอตฺถ จ ญาติพฺยสนาทีนิ ตีณิ เนว อกุสลานิ น ติลกฺขณาหตานิ. สีลทิฏฺฐิพฺยสนทฺวยํ อกุสลํ ติลกฺขณาหตํ. เตเนว "นาวุโส สตฺตา ญาติพฺยสนเหตุ วา"ติอาทิมาห. (๑๑)

ญาติสมฺปทาติ ญาตีนํ สมฺปทา ปาริปูริ พหุภาโว. โภคสมฺปทายปิ เอเสว นโย. อาโรคฺยสฺส สมฺปทา อาโรคฺยสมฺปทา. ปาริปูริ ทีฆรตฺตํ อโรคตา. สีลทิฏฺฐิสมฺปทาสุปิ เอเสว นโย. อิธาปิ ๑- ญาติสมฺปทาทโย โน กุสลา, น ติลกฺขณาหตา. สีลทิฏฺฐิสมฺปทา กุสลา, ติลกฺขณาหตา. เตเนว "นาวุโส สตฺตา ญาติสมฺปทาเหตุ วา"ติอาทิมาห. (๑๒)

สีลวิปตฺติสีลสมฺปตฺติกถา มหาปรินิพฺพาเน วิตฺถาริตาว. (๑๓-๑๔)