เทฺวธมฺมวณฺณนา นิฏฺฐิตา.

ตโยธมฺมวณฺณนา

[๓๕๓] (ฉ) กามานเมตํ นิสฺสรณํ ยทิทํ เนกฺขมฺมนฺติ เอตฺถ เนกฺขมฺมนฺติ อนาคามิมคฺโค อธิปฺเปโต. โส หิ สพฺพโส กามานํ นิสฺสรณํ. รูปานเมตํ นิสฺสรณํ ยทิทํ อรูปนฺติ เอตฺถ อารุปฺเปปิ อรหตฺตมคฺโค ปุน อุปฺปตฺตินิวารณโต สพฺพโส รูปานํ นิสฺสรณํ นาม. นิโรโธ ตสฺส นิสฺสรณนฺติ อิธ อรหตฺตผลํ นิโรโธติ อธิปฺเปตํ. อรหตฺตผเลน หิ นิพฺพาเน ทิฏฺเฐ ปุน อายตึ สพฺพสงฺขารา น โหนฺตีติ อรหตฺตํ สงฺขตนิโรธสฺส ๓- ปจฺจยตฺตา นิโรโธติ วุตฺตํ.

(ช) อตีตํสญาณนฺติ ๔- อตีตํสารมฺมณํ ญาณํ, อิตเรสุปิ เอเสว นโย.