มิคสญฺญนฺติ "อยํ มิโค, อยํ มิโค"ติ สญฺญํ. ติณฺหานิ สตฺถานิ หตฺเถสุ ปาตุภวิสฺสนฺตีติ เตสํ กิร หตฺเถน ผุฏฺฐมตฺตํ ยงฺกิญฺจิ อนฺตมโส ติณปณฺณํ อุปาทาย อาวุธเมว ภวิสฺสติ.

มา จ มยํ กญฺจีติ มยํ กญฺจิ เอกํ ปุริสํปิ ชีวิตา มา โวโรปยิมฺห. มา จ อเมฺห โกจีติ อเมฺหปิ โกจิ เอกปุริโส ชีวิตา มา โวโรปยิตฺถ. ยนฺนูน มยนฺติ อยํ โลกวินาโส ปจฺจุปฏฺฐิโต, น สกฺกา ทฺวีหิ เอกฏฺฐาเน ฐิเตหิ ชีวิตํ ลทฺธุนฺติ มญฺญมานา เอวํ จินฺตยิสฺสนฺติ. ๔- วนคหนนฺติ วนสงฺขาเตหิ ติณคุมฺพลตาทีหิ คหนฏฺฐานํ. ๕- รุกฺขคหนนฺติ รุกฺเขหิ คหนํ ทุปฺปเวสนฏฺฐานํ. ๖- นทีวิทุคฺคนฺติ นทีนํ อนฺตรทีปาทีสุ ทุคฺคมนฏฺฐานํ.

@๔ ฉ.ม., อิ. จินฺตยึสฺ ๕ ฉ.ม. คหนํ ทุปฺปเวสฏฺฐานํ ๖ ฉ.ม. ทุปฺปเวสฏฺฐานํ ปพฺพตวิสมนฺติ ปพฺพเตหิ วิสมํ, ปพฺพเตสุ วา วิสมฏฺฐานํ. สภาคายิสฺสนฺตีติ ยถา อหํ ชีวามิ ทิฏฺฐา โภ สตฺตา, ตฺวํปิ ตถา ชีวสีติ เอวํ สมฺโมทนกถาย อตฺตนา สภาเค กริสฺสนฺติ.