[๑๒๔] ปทาลตาติ เอกา มธุรรสา ภทฺทลตา. ๒- กลมฺพกาติ นาฬิกา. อหุ วต โนติ มธุรรสา วต โน ปทาลตา อโหสิ. อหายิ วต โนติ สา โน เอตรหิ อนฺตรหิตาติ.

อกฏฺฐปากสาลิปาตุภาววณฺณนา

[๑๒๕] อกฏฺฐปาโกติ อกฏฺเฐเยว ภูมิภาเค อุปฺปนฺโน. อกโณติ นิกฺโกณฺฑโก. ๓- อถูโสติ นิตฺถูโส. สุคนฺโธติ ทิพฺพคนฺธํ วายติ. ตณฺฑุลปฺผโลติ ปริสุทฺธํ ปณฺฑรํ ตณฺฑุลปฺผลเมว ผลติ. ปกฺกํ ปฏิวิรุฬฺหนฺติ สายํ คหิตฏฺฐานํ ปาโต ปกฺกํ โหติ, ปุนวิรุฬฺหํ ปากติกเมว ๔- คหิตฏฺฐานํ น ปญฺญายติ. นาปทานํ ปญฺญายตีติ อลายิตํ หุตฺวา อนูนเมว ปญฺญายติ.