สีหนาโทติ เสฏฺฐนาโท, เนว ทนฺธายนฺเตน น คคฺครายนฺเตน ๗- สีเหน วิย อุตฺตมนาโท นทิโตติ อตฺโถ.

กึ นุ โข เต สาริปุตฺตาติ อิมํ เทสนํ กสฺมา อารภิ. ๘- อนุโยคทาปนตฺถํ. เอกจฺโจ หิ สีหนาทํ นทิตฺวา อตฺตโน สีหนาเท อนุโยคํ ทาตุํ น สกฺโกติ, นิคฺฆํสนํ นกฺขมติ, เลเป ปติตมกฺกโฏ วิย โหติ. ยถา ธมมานํ อปริสุทฺธโลหํ ฌายิตฺวา ฌามองฺคาโร โหติ, เอวํ ฌามงฺคาโร วิย โหติ. เอโก สีหนาเท อนุโยคํ ทาปิยมาโน ทาตุํ สกฺโกติ, นิคฺฆํสนํ ขมติ, ธมมานํ นิทฺโทสชาตรูปํ วิย อธิกตรํ โสภติ, ตาทิโส เถโร. เตน นํ ภควา "อนุโยคกฺขโม อยนฺ"ติ ญตฺวา สีหนาเท อนุโยคทาปนตฺถํ อิทํปิ เทสนํ อารภิ.

@๓ ม.มู. ๑๒/๓๖๖, มหาสจฺจกสุตฺต ๔ ม.มู. ๑๒/๒๘๘, จูฬหตฺถิปโทมสุตฺต