Tatrīdaṃ vatthu: eko rājā tisso muttā gahetvā purohitaṃ pucchi "kiṃ me ācariya hatthe"ti. So ito cito ca olokesi. Tena ca samayena ekā sarabū "makkhikaṃ gahessāmī"ti pakkhandati, gahaṇakāle makkhikā palātā, so makkhikāya muttattā "muttā mahārājā"ti āha. Muttā tāva hotu, kati muttāti. So puna nimittaṃ olokesi. Atha avidūre kukkuṭo tikkhattuṃ

@4 cha.Ma., i. pakkhandi Saddaṃ nicchāresi. Brāhmaṇo "tisso mahārājā"ti āha. Evaṃ ekacco āgatanimittena katheti. Etenūpāyena gatiṭhitinimittehipi kathanaṃ veditabbaṃ.

Amanussānanti yakkhapisācādīnaṃ. Devatānanti cātummahārājikādīnaṃ. Saddaṃ sutvāti aññassa cittaṃ ñatvā kathentānaṃ saddaṃ sutvā.