@3 cha.Ma. anutāpakāradassanatthaṃ 4 cha.Ma., i. ce pīti

[174] Brahmacārinoti brahmacariyavāsaṃ vasamānā ariyasāvakā. Kāmabhoginoti gihī sotāpannā. "iddhañcevā"tiādīni mahāparinibbāne vitthāritāneva. Lābhaggayasaggappattanti lābhaggañceva yasaggañca pattaṃ.

[175] Santi kho pana me cunda etarahi therā bhikkhū sāvakāti sāriputtamoggallānādayo theRā. Bhikkhuniyoti khemātherīuppalavaṇṇātherīādayo. Upāsakā sāvakā gihī odātavasanā brahmacārinoti cittagahapatihatthakaāḷavakādayo. Kāmabhoginoti cullaanāthapiṇḍikamahāanāthapiṇḍikādayo. Brahmacāriniyoti nandamātādayo. Kāmabhoginiyoti khujjuttarādayo.

[176] Sabbākārasampannanti sabbakāraṇasampannaṃ. Idameva tanti idameva brahmacariyaṃ, idameva dhammaṃ sammā hetunā nayena vadamāno vadeyya.