Apuñño ca so abhisaṅkhāro cāti apuññābhisaṅkhāro. Akusalacittasampayuttānaṃ cetanānaṃ etaṃ adhivacanaṃ. Vuttaṃpi cetaṃ "tattha katamo apuññābhisaṅkhāro. Akusalacetanā kāmāvacarā, ayaṃ vuccati apuññābhisaṅkhāro"ti.

@3 cha.Ma. sādhūti 4 cha.Ma. davādasaakusalacittasampayuttānaṃ 5 abhi. vi. 35/226/161 Āneñjaṃ niccalaṃ santaṃ vipākabhūtaṃ arūpameva abhisaṅkharotīti āneñjābhisaṅkhāro. Catunnaṃ arūpāvacarakusalacetanānaṃ etaṃ adhivacanaṃ. Yathāha "tattha katamo āneñjābhisaṅkhāro. Kusalacetanā arūpāvacarā, ayaṃ vuccati āneñjābhisaṅkhāro"ti. (35)

Puggalattike sattavidho purisapuggalo, tisso sikkhā sikkhatīti sekkho. Khīṇāsavo sikkhitalikkhattā puna na sikkhatīti asekkho. Puthujjano sikkhāhi paribāhirattā nevasekkho nāsekkho. (36)