Samavayasaṭṭhesanoti ettha avayāti anūnā, saṭṭhāti visaṭṭhā, sammā avayā saṭṭhā esanā assāti samavayasaṭṭhesano, sammāvisaṭṭhasabbaesanoti attho. Rāgā cittaṃ vimuttanti ādīhi maggassa kiccanipphatti kathitā.

Rāgo me pahīnoti ādīhi paccavekkhaṇāya phalaṃ kathitaṃ.

Asekkhadhammadasakavaṇṇanā

asekkhā sammādiṭṭhīti ādayo sabbepi phalasampayuttadhammāeva. Ettha ca sammādiṭṭhi, sammāñāṇanti dvīsu ṭhānesu paññāva kathitā. Sammāvimuttīti iminā padena vuttāva sesā phalasamāpattidhammā saṅgahitāti veditabbā.