[๔๘๒] ติตฺตกาลาพูติ ๑- ติตฺตโก อลาพุ. ๒- วิเสน สํสฏฺโฐติ หลาหลวิเสน ๓- สํยุตฺโต มิสฺสิโต อาลุลิโต. ๓- น ฉาเทสฺสตีติ น รุจฺจิสฺสติ น ตุฏฺฐึ กริสฺสติ. นิคจฺฉสีติ นิคมิสฺสสิ. ๔- อปฺปฏิสงฺขาย ปิเวยฺยาติ ตํ อปจฺจเวกฺขิตฺวา ปิเวยฺย.

[๔๘๓] อาปานียกํโสติ อาปานียสฺส มธุรปานกสฺส ภริตกํโส. วณฺณสมฺปนฺโนติ ปานกวณฺณาทีหิ สมฺปนฺนวณฺโณ, กํเส ปกฺขิตฺตปานกวเสน ปานกกํโสปิ เอวํ วุตฺโต. ฉาเทสฺสตีติ ตญฺหิ หลาหลวิสํ ยตฺถ ยตฺถ ปกฺขิตฺตํ โหติ, ตสฺส ตสฺเสว รสํ เทติ. เตน วุตฺตํ "ฉาเทสฺสตี"ติ.

[๔๘๔] ปูติมุตฺตนฺติ มุตฺตเมว. ยถา หิ มนุสฺสภาโว สุวณฺณวณฺโณปิ ปูติกาโยเตฺวว, ตทหุชาตาปิ คโลจิลตา ปูติลตาเตฺวว วุจฺจติ. เอวํ ตํขณํ คหิตํ