ตตฺรีทํ วตฺถุ:- มหาเจติเย กิร สุธากมฺเม กริยมาเน เอโก อริยสาวโก เอเกน หตฺเถน สุธาภาชนํ เอเกน กุจฺฉํ คเหตฺวา สุธากมฺมํ กริสฺสามีติ เจติยฏฺฐานํ ๓- อารุโฬฺห. เอโก กายทฬฺหิพหุโล ภิกฺขุ คนฺตฺวา เถรสฺส สนฺติเก อฏฺฐาสิ. เถโร อญฺญสฺมึ อติปปญฺโจ ๔- โหตีติ ตสฺมา ฐานา อญฺญํ ฐานํ คโต. โสปิ ภิกฺขุ ตตฺเถว อคมาสิ. เถโร ปุน อญฺญํ ฐานนฺติ เอวํ กติปยฏฺฐาเน อาคตํ "สปฺปุริส มหนฺตํ เจติยงฺคณํ กึ อญฺญสฺมึ ฐาเน โอกาสํ น ลภถา"ติ อาห. น อิตโร ปกฺกามีติ. ๕-

[๔๙๘] พลตาย สมนฺนาคโตติ พเลน สมนฺนาคโต. อตฺถึ กตฺวาติ อตฺถิกภาวํ กตฺวา, อตฺถิโก หุตฺวาติ อตฺโถ. มนสิกตฺวาติ มนสฺมึ กริตฺวา. สพฺพเจตสา สมนฺนาหริตฺวาติ อปฺปมตฺตกมฺปิ วิกฺเขปํ อกโรนฺโต สกลจิตฺเตน ๖- สมนฺนาหริตฺวา.

@ฉ.ม......นิยฺยาสพนฺธนาทิ ๓ ฉ.ม. เจติยงฺคณํ ๔ ฉ.ม. สติ ปปญฺโจ