วโท เวเทยฺโยติ อาทโย ปน สสฺสตทิฏฺฐิยา เอว อภินิเวสาการา. ตตฺถ วทตีติ วโท, วจีกมฺมสฺส การโกติ วุตฺตํ โหติ. เวทยตีติ เวเทยฺโย, ชานาติ อนุภวติ จาติ วุตฺตํ โหติ. กึ เวเทตีติ. ตตฺร ตตฺร กลฺยาณปาปกานํ กมฺมานํ วิปากํ ปฏิสํเวเทติ. ตตฺร ตตฺราติ เตสุ เตสุ โยนิคติฐิตินิวาสนิกาเยสุ อารมฺมเณสุ วา. นิจฺโจติ อุปฺปาทวยรหิโต. ธุโวติ ถิโร สารภูโต. สสฺสโตติ สพฺพกาลิโก. อวิปริณามธมฺโมติ อตฺตโน ปกติภวํ อวิชหนธมฺโม, กกณฺฏโก ๒- วิย นานาปฺปการตํ นาปชฺชติ. สสฺสติสมนฺติ จนฺทสุริยสมุทฺทมหาปฐวีปพฺพตา โลกโวหาเรน สสฺสติโยติ วุจฺจนฺติ. สสฺสตีหิ สมํ สสฺสติสมํ. ยาว สสฺสติโย ติฏฺฐนฺติ, ตาว ตเถว ฐสฺสตีติ คณฺหโต เอวํ ทิฏฺฐิ โหติ.

อิทํ วุจฺจติ ภิกฺขเว ทิฏฺฐิคตนฺติ อาทีสุ อิทนฺติ อิทานิ วตฺตพฺพสฺส ปจฺจกฺขนิทสฺสนํ. ทิฏฺฐิคตสมฺพนฺเธน จ อิทนฺติ วุตฺตํ น ทิฏฺฐิสมฺพนฺเธน, เอตฺถ จ ทิฏฺฐิเยว ทิฏฺฐิคตํ คูถคตํ วิย. ทิฏฺฐีสุ วา คตํ อิทํ ทสฺสนํ

เปฯ ทิฏฺฐิสํโยชนนฺ"ติ. ๑- อิทานิสฺส ตเมว พนฺธนตฺถํ ทสฺเสนฺโต ทิฏฺฐิโยชนสํยุตฺโตติ อาทิมาห. ตตฺถายํ สงฺเขปตฺโถ, อิมินา ทิฏฺฐิสํโยชเนน สํยุตโต ปุถุชฺชโน เอเตหิ ชาติอาทีหิ น ปริมุจฺจติ. กึ วา พหุนา, สกลวฏฺฏทุกฺขโตปิ น มุจฺจตีติ.

[๒๐] เอวํ ฉปฺปเภทํ ทิฏฺฐาสวํ ทสฺเสตฺวา ยสฺมา สีลพฺพตปรามาโส กามาสวาทิวเสเนว ทสฺสิโต โหติ. กามสุขตฺถญฺหิ ภวสุขภววิสุทฺธิอตฺถญฺจ อวิชฺชาย อภิภูตา อิโต พหิทฺธา สมณพฺราหฺมณา สีลพฺพตานิ ปรามสนฺติ, ตสฺมา ตํ อทสฺเสตฺวา ทิฏฺฐิคหเณน วา ตสฺส คหิตตฺตาปิ ตํ อทสฺเสตฺวาว อิทานิ โย ปุคฺคโล ทสฺสนาปหาตพฺเพ อาสเว ปชหติ, ตํ ทสฺเสตฺวา เตสํ อาสวานํ ปหานํ ทสฺเสตุํ ปุพฺเพ วา อโยนิโส มนสิกโรโต ปุถุชฺชนสฺส เตสํ อุปฺปตฺตึ ทสฺเสตฺวา อิทานิ ตพฺพิปรีตสฺส ปหานํ ทสฺเสตุํ สุตวา จ โข ภิกฺขเวติ อาทิมาห.