[๒๔] ปฏิสงฺขา โยนิโส ขโม โหติ สีตสฺสาติ อุปาเยน ปเถน ปจฺจเวกฺขิตฺวา ขโม ๕- โหติ สีตสฺส สีตํ ขมติ สหติ, น อวีรปุริโส วิย

@๔ ฉ.ม., อิ. วุจฺจนฺติ ๕ อิ. ขนฺตา อปฺปมตฺตเกนาปิ สีเตน จลติ กมฺปติ กมฺมฏฺฐานํ วิชหติ. อปิจ โข โลมสนาคตฺเถโร วิย อนปฺปเกนาปิ สีเตน ผุฏฺโฐ น จลติ น กมฺปติ กมฺมฏฺฐานเมว มนสิกโรติ. เถโร กิร เจติยปพฺพเต ปิยงฺคุคุหายํ ปธานฆเร วิหรนฺโต อนฺตรฏฺฐเก หิมปาตสมเย โลกนฺตริยนิรเย ปจฺจเวกฺขิตฺวา กมฺมฏฺฐานํ อวิชหนฺโตว อพฺโภกาเส วีตินาเมสิ. เอวํ อุณฺหาทีสุปิ อตฺถโยชนา เวทิตพฺพา.

เกวลญฺหิ โย ภิกฺขุ อธิมตฺตมฺปิ อุณฺหํ สหติ เสฺวว เถโร วิย, อยํ "ขโม อุณฺหสฺสา"ติ เวทิตพฺโพ. เถโร กิร คิมหสมเย ปจฺฉาภตฺตํ พหิจงฺกเม นิสีทิ. กมฺมฏฺฐานํ มนสิกโรโต ๑- เสทาปิสฺส กจฺเฉหิ มุจฺจนฺติ. อถ นํ อนฺเตวาสิโก อาห "อิธ ภนฺเต นิสีทถ, สีตโล โอกาโส"ติ. เถโร "อุณฺหภเยน เนวมฺหิ อาวุโส อิธ นิสินฺโน"ติ อวีจิมหานิรยํ ปจฺจเวกฺขิตฺวา นิสีทิเยว. อุณฺหนฺติ เจตฺถ อคฺคิสนฺตาโป จ เวทิตพฺโพ. สุริยสนฺตาปวเสน ปเนตํ วตฺถุ วุตฺตํ.