ธมฺมโถมนตฺถํ ปวิสนฺโต เอวํ จินฺเตติ, ๓- ยถา อิเธว จินฺเตสิ "มยิ วิหารํ ปวิฏฺเฐ ตเมว อามิสทายาทํ ครหนฺโต ธมฺมทายาทญฺจ โถเมนฺโต อิมิสสํเยว ปริสติ นิสินฺโน สาริปุตฺโต ธมฺมํ เทเสสฺสติ, เอวํ ทฺวินฺนมฺปิ อมฺหากํ เอกชฺฌาสยาย มติยา เทสิตา อยํ เทสนา อคฺคา จ ครุกา จ ภวิสฺสติ ปาสาณจฺฉตฺตสทิสา. จตุโรฆนิตฺถรณฏฺเฐน ติตฺเถ วสิตนาวา วิย สคฺคคมนฏฺเฐน จตุยุตฺตอาชญฺญรโถ วิย จ ภวิสฺสติ. ยถา จ `เอวํ กโรนฺตสฺส อยํ ทณฺโฑ'ติ ปริสติ อาณํ ฐเปตฺวา อุฏฺฐายาสนา ปาสาทํ อารุเฬฺห ราชินิ ตตฺเถว นิสินฺโน

@๔ สี. วิสฺสชฺเชสฺสนฺติ. เสนาปติ ตํ รญฺโญ ฐปิตํ อาณํ ปวตฺเตติ, เอวมฺปิ มยา ฐปิตํ เทสนํ อิมิสฺสํเยว ปริสติ นิสินฺโน สาริปุตฺโต โถเมตฺวา เทเสสฺสติ, เอวํ ทฺวินฺนมฺปิ อมฺหากํ มติยา เทสิตา อยํ เทสนา พลวตรา มชฺฌนฺติกสุริโย วิย ปชฺชลิสฺสตี"ติ, เอวํ อิธ ธมฺมโถมนตฺถํ อุฏฺฐายาสนา วิหารํ ปาวิสิ.

อีทิเสสุ จ ฐาเนสุ ภควา นิสินฺนาสเนเยว อนฺตรหิโต จิตฺตคติยา วิหารํ ปวิสตีติ เวทิตพฺโพ. ยทิ หิ กายคติยา คจฺเฉยฺย, สพฺพา ปริสา ภควนฺตํ ปริวาเรตฺวา คจฺเฉยฺย, สา เอกวารํ ภินฺนา ปุน ทุสฺสนฺนิปาตา ภเวยฺยาติ. ภควา จิตฺตคติยา เอว ปาวิสิ.