"ตํ ตํ อตฺถมเปกฺขิตฺวา ภุมฺเมน กรเณน จ

อญฺญตฺร สมโย วุตฺโต อุปโยเคน โส อิธา"ติ.

โปราณา ปน วณฺณยนฺติ "ตสฺมึ สมเย"ติ วา "เตน สมเยนา"ติ วา "ตํ สมยนฺ"ติ ๓- วา อภิลาปมตฺตเภโท เอส, สพฺพตฺถ ภุมฺมเมวตฺโถติ. ตสฺมา "เอกํ สมยนฺ"ติ วุตฺเตปิ "เอกสฺมึ สมเย"ติ อตฺโถ เวทิตพฺโพ.

ภควาติ ครุวจนํ. ๔- ครุํ หิ โลเก "ภควา"ติ วทนฺติ. อยํ จ สพฺพคุณวิสิฏฺฐตาย สพฺพสตฺตานํ ครุ, ตสฺมา "ภควา"ติ เวทิตพฺโพ. โปราเณหิปิ วุตฺตํ:-