@๓ ฉ.ม. อคฺคกุลสฺส ๔ ม.ม. ๑๓/๒๙๔/๒๖๙ รฏฺฐปาลสุตฺต

@๕ ม. อุปริ. ๑๔/๗๘/๕๘ คณกโมคฺคลฺลานสุตฺต. อนคารสฺส ภาโว อนคาริยํ. ปพฺพชิตาติ อุปคตา, เอวํ สพฺพถาปิ อนคาริยสงฺขาตํ ปพฺพชฺชํ ภิกฺขุภาวญฺจ อุปคตาติ วุตฺตํ โหติ. ปุพฺพงฺคโมติ ปูรโต คามี นายโก. พหุกาโรติ หิตกิริยาย พหูปกาโร. ภวนฺเตสํ โคตโม สมาทเปตาติ เต กุลปุตฺเต ภวํ โคตโม อธิสีลาทีนิ คาเหตา สิกฺขาเปตา. สา ชนตาติ โส ชนสมูโห. ทิฏฺฐานุคตึ อาปชฺชีติ ทสฺสนานุคตึ ปฏิปชฺชติ, ยนฺทิฏฺฐิโก ภวํ โคตโม ยํขนฺติโก ยํรุจิโก, เตปิ ตนฺทิฏฺฐิกา โหนฺติ ตํขนฺติกา ตํรุจิกาติ อตฺโถ.

กสฺมา ปนายํ เอวมาหาติ, เอส กิร ปุพฺเพ อเนเก กุลปุตฺเต อคารมชฺเฌ วสนฺเต เทวปุตฺเต วิย ปญฺจหิ กามคุเณหิ ปริจาริยมาเน อนฺโต จ พหิ จ สุสํวิหิตารกฺเข ทิสฺวา เต อปเรน สมเยน ภควโต มธุรสทฺธมฺมเทสนํ ๑- สุตฺวา สทฺธาย ฆรา นิกฺขมฺม ปพฺพชิตฺวา ฆาสจฺฉาทนปรมตาย สนฺตุฏฺเฐ อารญฺญเกสุ เสนาสเนสุ เกนจิ อรกฺขิยมาเนปิ อนุสงฺกิตปริสงฺกิเต หฏฺฐปหฏฺเฐ อุทคฺคูทคฺเค อทฺทส, ทิสฺวา จ อิเมสํ กุลปุตฺตานํ "อยํ ผาสุวิหาโร กึ นิสฺสาย อุปฺปนฺโน"ติ จินฺเตนฺโต "สมณํ โคตมนฺ"ติ ภควติ ปสาทํ อลตฺถ. โส ตํ ปสาทํ นิเวเทตุํ ภควโต สนฺติกํ อาคโต, ตสฺมา เอวมาห.