มิคราช นโม ตยตฺถุ อปิ กิญฺจิ ลภามเส"ติ ๕-

@๔ ฉ.ม. ปาลิ. วิชมฺภิตํ ๕ ขุ.ชา.ติก. ๒๗/๔๘๔/๑๒๓ อนฺตชาตก

โมโร วา กฏฺฐํ ปาเตตีติ โมโร วา สุกฺขกฏฺฐํ รุกฺขโต จาเลตฺวา ปาเตติ. โมรคหเณน จ อิธ สพฺพปกฺขิคหณํ อธิปฺเปตํ, เตน โย โกจิ ปกฺขีติ วุตฺตํ โหติ. อถวา โมโร วาติ วาสทฺเทน อญฺโญ วา โกจิ ปกฺขีติ. เอส นโย ปุริเม มิคคหเณปิ, วาโต วา ปณฺณกสฏํ เอเรตีติ วาโต วา ปณฺณกจวรํ ฆฏฺเฏติ. เอตํ นูน ตํ ภยเภรวํ อาคจฺฉตีติ ยํ เอตํ อาคจฺฉติ, ตํ ภยเภรวํ นูน ๑- อิโต ปภูติ จ อารมฺมณเมว ภยเภรวนฺติ เวทิตพฺพํ. ปริตฺตสฺส จ อธิมตฺตสฺส จ ภยสฺส อารมฺมณตฺตา สุขารมฺมณํ รูปํ สุขมิว. กินฺนุ โข อหํ อญฺญทตฺถุ ภยปาฏิกงฺขี วิหรามีติ อหํ โข กึ การณํ เอกํเสเนว ภยํ อากงฺขมาโน อิจฺฉมาโน หุตฺวา วิหรามิ,