@๒ ม. สปฺปิเตลมํสสกฺกราทิปูริตานํ, ฉ.ม. สปฺปิเตลมธุสกฺกราทิปูริตานํ

อิเมสํ โข เอตํ อาวุโสติ อิเมสํ เหฏฺฐา เอกูนวีสติวาเรหิ วุตฺตานํ อิจฺฉาวจรานํ.

[๖๑] ทิสฺสนฺติ เจว สุยฺยนฺติ จาติ น อิจฺฉาวจรา จกฺขุนา ทิสฺสนฺติ, น โสเตน สุยฺยนฺติ มโนวิญฺญาณวิสยตฺตา. อปฺปหีนอิจฺฉาวจรสฺส ปุคฺคลสฺส อิจฺฉาวจรวเสน ปวตฺตํ กายกมฺมํ ทิสฺวา ทิฏฺฐา วิย วจีกมฺมํ สุตฺวา สุตา วิย จ โหนฺติ, เตน วุตฺตํ "ทิสฺสนฺติ เจว สุยฺยนฺติ จา"ติ. ปจฺจกฺขกาลํ ๑- ทิสฺสนฺติ, "อสุโก กิร ภิกฺขุ อีทิโส"ติ ปโรกฺขกาเล ๒- สุยฺยนฺติ. กิญฺจาปีติ อนุคฺคหครหวจนํ. เตน อารญฺญิกตฺตํ อนุคฺคณฺหาติ, อิจฺฉาวจรานํ อปฺปหานํ ครหติ.

ตตฺรายํ โยชนา, กิญฺจาปิ โส ภิกฺขุ คามนฺตเสนาสนํ ปฏิกฺขิปิตฺวา อารญฺญิโก โหติ, อนฺเต ปนฺตเสนาสเน วสติ, อิเม จสฺส เอตฺตกา อิจฺฉาวจรา อปฺปหีนา. กิญฺจาปิ โส อติเรกลาภํ ปฏิกฺขิปิตฺวา ปิณฺฑปาติโก โหติ. กิญฺจาปิ โส โลลุปฺปจารํ วชฺเชตฺวา สปทานจารี โหติ. กิญฺจาปิ โส คหปติจีวรํ ปฏิกฺขิปิตฺวา ปํสุกูลิโก โหติ.