ตตฺรายํ อุปมาสํสนฺทนา:- ปริสุทฺธกํสปาตีสทิสํ อิมสฺส ปพฺพชฺชาลิงฺคํ, กุณปรจิตํ ๘- วิย อิจฺฉาวจนํ อปฺปหานํ, อปรกํสปาติยา ปฏิกุชฺชนํ วิย อารญฺญิกงฺคาทีหิ อิจฺฉาวจรปฏิจฺฉาทนํ, กํสปาตึ วิวริตฺวา กุณปทสฺสเนน ชนสฺส อมนาปตา วิย อารญฺญิกงฺคาทีนิ อนาทิยิตฺวา อิจฺฉาวจรทสฺสเนน สพฺรหฺมจารีนํ น สกฺการกรณาทิตาติ.

[๖๒] สุกฺกปกฺเข ปน กิญฺจาปีติ อนุคฺคหปสํสาวจนํ, เตน อารญฺญิกตฺตํ อนุคฺคณฺหาติ, อิจฺฉาวจรปฺปหานํ ปสํสติ. เนมนฺตนิโกติ นิมนฺตนปฏิคฺคาหโก. วิจิตกาฬกนฺติ วิจินิตฺวา อปนีตกาฬกํ. อเนกสูปํ อเนกพฺยญฺชนนฺติ เอตฺถ สูโป นาม หตฺถหาริโย วุจฺจติ. พฺยญฺชนนฺติ อุตฺตริภงฺคํ. เตน มจฺฉมํสมุคฺคสูปาทีหิ

@๔ ฉ.ม. วธุกาติ ชเนตฺติ วุจฺจติ, ๕ ฉ.ม., อิ. ปุนรุตฺตํ ๖ ฉ.ม. ชญฺญชญฺญํ