[๑๕๓] ปญฺจ โข อิมา สาริปุตฺต คติโยติ เอตฺถ สุกตทุกฺกฏกมฺมวเสน คนฺตพฺพาติ คติโย. อปิจ คติคตินิพฺพตฺติคติอชฺฌาสยคติวิภวคตินิปฺผตฺติคตีติ พหุวิธา คติ นาม. ตตฺถ "ตํ คตึ เปจฺจ คจฺฉามี"ติ ๕- จ, "ยสฺส คตึ น ชานนฺติ, เทวา คนฺธพฺพมานุสา"ติ ๖- จ อยํ คติคติ นาม. "อิเมสํ โข อหํ ภิกฺขูนํ สีลวนฺตานํ กลฺยาณธมฺมานํ เนว ชานามิ คตึ วา อคตึ วา"ติ ๗- อยํ นิพฺพตฺติคติ นาม. "เอวํ ๘- โข เต อหํ พฺรเหฺม คติญฺจ ปชานามิ ชุติญฺจ ปชานามี"ติ ๙- อยํ อชฺฌาสยคติ นาม. "วิภโว คติ ธมฺมานํ, นิพฺพานํ อรหโต คตี"ติ ๑๐- อยํ วิภวคติ นาม. "เทฺวเยว คติโย ภวนฺติ อนญฺญา"ติ ๑๑- อยํ นิปฺผตฺติคติ นาม. ตาสุ อิธ คติคติ อธิปฺเปตา.

@๔ ฉ.ม. จ สทฺโท น ทิสฺสติ ๕ องฺ. จตุกฺก. ๒๑/๑๘๔/๑๙๙ อภยสุตฺต

@๖ ขุ. ธมฺม. ๒๕/๔๒๐/๙๐ วงฺคีสตฺเถรวตฺถุ ๗ ม.มู. ๑๒/๕๐๘/๔๕๒ มารตชฺชนียสุตฺต