ตาสุ ยงฺกิญฺจิ ปฐวึ อยํ ปุถุชฺชโน ปฐวิโต สญฺชานาติ, ปฐวีติ สญฺชานาติ, ปฐวีภาเวน สญฺชานาติ, โลกโวหารํ คเหตฺวา สญฺญาวิปลฺลาเสน สญฺชานาติ ปฐวีติ. เอวํ ปฐวีภาวํ อมุญฺจนฺโตเยว วา เอวํ ๗- "สตฺโตติ วา สตฺตสฺสา"ติ วา อาทินา นเยน สญฺชานาติ. กสฺมา เอวํ สญฺชานาตีติ น วตฺตพฺพํ. อุมฺมตฺตโก วิย หิ ปุถุชฺชโน. โส ยงฺกิญฺจิ เยน เกนจิ อากาเรน คณฺหาติ. อริยานํ อทสฺสาวิตาทิเภทเมว วา เอตฺถ การณํ. ยํ วา ปรโต "อปริญฺญาตํ ตสฺสา"ติ วทนฺเตน ภควตา ว วุตฺตํ.
@๔ อภิ. วิภงฺค. ๓๕/๑๗๓/๙๖ ธาตุวิภงฺค. ๕ วินย. มหาวิ. ๒/๒๘/๑๕๘ ปาจิตฺติยกณฺฑ.
@๖ ที. ปาฏิ. ๑๑/๓๔๖/๒๓๗ สงฺคีติสุตฺต ๗ ฉ.ม., อิ เอตํ.