@๓ องฺ. จตุกฺก. ๒๑/๑๒๙/๑๔๙ อานนฺทอจฺฉริยสุตฺต ๔ ฉ.ม. อตฺถตฺถํ

@๕ สี. น ตุลยนฺติ ๖ ฉ.ม. จ-สทฺโท น ทิสฺสติ ๗ ฉ.ม. โหนฺตีติ

@๘ สี.เอวญฺจ เอวญฺจ อตฺโถ. ตญฺจสฺส อตฺถํ นานุโภนฺตีติ ยสฺส จ มคฺคสฺส วา ผลสฺส วา อตฺถาย กุลปุตฺตา ธมฺมํ ปริยาปุณนฺติ, ตญฺจสฺส ธมฺมสฺส อตฺถํ เอเต ทุคฺคหิตคาหิโน นานุโภนฺติ. อปิจ ปรสฺส วาเท อุปารมฺภํ อาโรเปตุํ อตฺตโน วาทํ โมเจตุํ อสกฺโกนฺตาปิ ตญฺจ อตฺถํ นานุโภนฺติเยว.

[๒๓๙] อลคทฺทตฺถิโกติ อาสีวิสอตฺถิโก. คทฺโทติ หิ วิสสฺส นามํ, ตํ ตสฺส อลํ ปริปุณฺณํ อตฺถีติ อลคทฺโท. โภเคติ สรีเร. อิธ ปน ภิกฺขเว เอกจฺเจ กุลปุตฺตา ธมฺมํ ปริยาปุณนฺตีติ นิตฺถรณปริยตฺติวเสน อุคฺคณฺหนฺติ. ติสฺโส หิ ปริยตฺติโย อลคทฺทปริยตฺติ นิตฺถรณปริยตฺติ ภณฺฑาคาริกปริยตฺตีติ.