อภิกฺกนฺเตน วณฺเณน สพฺพา โอภาสยํ ทิสา"ติ ๔- เอวมาทีสุ อภิรูเป. "อภิกฺกนฺตํ โภ โคตมา"ติเอวมาทีสุ ๕- อพฺภนุโมทเน. อิธ ปน ขเย. เตน อภิกฺกนฺตาย รตฺติยาติ ปริกฺขีณาย รตฺติยาติ วุตฺตํ โหติ. ตตฺถายํ เทวปุตฺโต มชฺฌิมยามสมนนฺตเร อาคโตติ เวทิตพฺโพ. อภิกฺกนฺตวณฺณาติ อิธ อภิกฺกนฺตสทฺโท อภิรูเป. วณฺณสทฺโท ปน ฉวิถุติกุลวคฺคการณสณฺฐานปมาณ- รูปายตนาทีสุ ทิสฺสติ. ตตฺถ "สุวณฺณวณฺโณสิ ภควา"ติเอวมาทีสุ ฉวิยา. "กทา สญฺญูฬฺหา ปน เต คหปติ สมณสฺส โคตมสฺส วณฺณา"ติเอวมาทีสุ ๖- ถุติยํ. "จตฺตาโรเม โภ โคตม วณฺณา"ติเอวมาทีสุ ๗- กุลวคฺเค. "อถ เกน นุ วณฺเณน, คนฺธเถโนติ วุจฺจตี"ติเอวมาทีสุ ๘- การเณ. "มหนฺตํ หตฺถิราวณฺณํ อภินิมฺมินิตฺวา"ติเอวมาทีสุ ๙- สณฺฐาเน. "ตโย ปตฺตสฺส วณฺณา"ติ ๑๐- เอวมาทีสุ

@๓ องฺ. จตุกฺก. ๒๑/๑๐๐/๑๑๔ ๔ ขุ. ๒๖/๘๕๗/๘๗ ๕ วินย. มหาวิ. ๑/๑๕/๗

@๖ ม.ม. ๑๓/๗๗/๕๔ ๗ ที. ปาฏิ. ๑๑/๑๑๕/๖๙ ๘ สํ. สคา. ๑๕/๒๓๔/๒๔๖