ราชปุตฺเตหิ รญฺโญ กถํ สุตฺวา เชฏฺฐภาติกสฺส สนฺติกํ คนฺตฺวา ปิลนฺธนํ ยาจิตกาโล วิย ภิกฺขูหิ สตฺถุ กถํ สุตฺวา ธมฺมเสนาปตึ อุปสงฺกมิตฺวา ๕- ธมฺมเทสนํ อายาจิตกาโล. เชฏฺฐภาติกสฺส คพฺภํ วิวริตฺวา จตสฺโส เปฬาโย นีหริตฺวา ฐปนํ วิย ธมฺมเสนาปติสฺส อิมํ สุตฺตนฺตํ อารภิตฺวา จตุนฺนํ อริยสจฺจานํ วเสน มาติกาย ฐปนํ. ติสฺโส เปฬาโย ฐเปตฺวา เอกํ วิวริตฺวา ตโต ปญฺจ สมุคฺเค นีหรณํ ๖- วิย ตีณิ อริยสจฺจานิ ฐเปตฺวา ทุกฺขํ อริยสจฺจํ วิภชนฺตสฺส ปญฺจกฺขนฺธทสฺสนํ. จตฺตาโร สมุคฺเค ฐเปตฺวา เอกํ วิวริตฺวา ตโต ปญฺจ กรณฺเฑ นีหรณํ ๗- วิย จตฺตาโร อรูปกฺขนฺเธ ฐเปตฺวา เอกํ รูปกฺขนฺธํ วิภชนฺตสฺส จตุมหาภูตอุปาทารูปวเสน ปญฺจโกฏฺฐาสทสฺสนํ.

@๓ ม. อุปริ. ๑๔/๓๗๑/๓๑๖ สจฺจวิภงฺคสุตฺต ๔-๔ ฉ.ม. ปณฺฑิตา ภิกฺขู อนุคฺคาหกา

@สพฺรหฺมจารีนนฺติ ๕ ฉ.ม. อุปสงฺกมฺม ๖ ฉ.ม. ปญฺจสมุคฺคนีหรณํ