มหากสฺสโปปิ สีลาทิคุเณหิ เจว อิมสฺมึ สุตฺเต อาคตคุเณหิ จ เถโร วิย อภิญฺญาโต ปากโฏ มหา. อปิจสฺส จีวรปริตฺตนสุตฺตํ ๖- ชิณฺณจีวรสุตฺตํ ๗- จนฺโทปมํ สกลํ กสฺสปสํยุตฺตํ มหาอริยวํสสุตฺตํ เถรสฺส อภินิกฺขมนํ เอตทคฺคนฺติ อิเมสํปิ วเสน มหนฺตภาโว เวทิตพฺโพ. เอตทคฺคสฺมึ หิ "เอตทคฺคํ ภิกฺขเว มม สาวกานํ ภิกฺขูนํ ธุตวาทานํ ยทิทํ มหากสฺสโป"ติ ๘- วุตฺตํ.

@๔ องฺ. เอกก. ๒๐/๑๘๙/๒๓ เอตทคฺควคฺค, ปฐมวคฺค ๕ องฺ. เอกก. ๒๐/๑๙๐/๒๓

@๖ สํ. สคา. ๑๕/๑๔๔/๑๘๖ สนฺตุฏฺฐสุตฺต ๗ สํ. สคา. ๑๕/๑๕๔/๒๐๘ จีวรสุตฺต