@จูฬ. ๓๐/๑๒๒/๔๗ (สฺยา) ๓ วินย. มหา. ๔/๒๑/๑๘ ปญฺจวคฺคิยกถา

@๔ สํ. มหา ๑๙/๓๙๐/๑๕๑ สุทฺธสุตฺต ๕ ฉ.ม. นิจฺเฉตุํ ๖ ม. สกฺโกติ เอวมุปริปิ มหาปญฺญตาย สาริปุตฺตตฺเถโร ตํ ฐานํ อธิคโต, ปญฺญาย หิ เถเรน สทิโส นตฺถิ, เตเนว นํ ภควา เอตทคฺเค ฐเปสิ "เอตทคฺคํ ภิกฺขเว มม สาวกานํ ภิกฺขูนํ มหาปญฺญานํ ยทิทํ สาริปุตฺโต"ติ. ๑-

ตถา น สกฺกา ยาย วา ตาย วา อปฺปมตฺติกาย ปญฺญาย สมนฺนาคเตน ภิกฺขุนา ภควตา สงฺขิตฺเตน ภาสิตสฺส สพฺพญฺญุตญาเณน สทฺธึ สํสนฺเทตฺวา สมาเนตฺวา วิตฺถาเรน อตฺถํ วิภเชตุํ, มหาปญฺเญน ปน สกฺกาติ มหาปญฺญตาย มหากจฺจายนตฺเถโร ตตฺถ ปฏิพโล ชาโต, เตเนว นํ ภควา เอตทคฺเค ฐเปสิ "เอตทคฺคํ ภิกฺขเว มม สาวกานํ ภิกฺขูนํ สงฺขิตฺเตน ภาสิตสฺส วิตฺถาเรน อตฺถํ วิภชนฺตานํ ยทิทํ มหากจฺจายโน"ติ. ๒-