ตถา น สกฺกา ยาย วา ตาย วา อปฺปมตฺติกาย ปญฺญาย สมนฺนาคเตน ภิกฺขุนา ธมฺมกถํ กเถนฺเตน ทส กถาวตฺถูนิ อารภิตฺวา ๓- สตฺต วิสุทฺธิโย วิภชนฺเตน ธมฺมกถํ กเถตุํ, มหาปญฺเญน ปน สกฺกาติ มหาปญฺญตาย ปุณฺณตฺเถโร จตุปริสมชฺเฌ อลงฺกตธมฺมาสเน จิตฺตวีชนึ คเหตฺวา นิสินฺโน ลีลายนฺโต ปุณฺณจนฺโท วิย ธมฺมกถํ กเถติ. ๔- เตเนว นํ ภควา เอคทคฺเค ฐเปสิ "เอตทคฺคํ ภิกฺขเว มม สาวกานํ ภิกฺขูนํ ธมฺมกถิกานํ ยทิทํ ปุณฺโณ มนฺตาณิปุตฺโต"ติ. ๕-

ตถา ยาย วา ตาย วา อปฺปมตฺติกาย ปญฺญาย สมนฺนาคโต ภิกฺขุ ธมฺมกถํ ๖- กเถนฺโต อิโต วา เอตฺโต วา อนุกฺกมิตฺวา ยฏฺฐิโกฏึ คเหตฺวา อนฺโธ วิย เอกปทิกํ ทณฺฑกเสตุํ อารุโฬฺห วิย จ คจฺฉติ, มหาปญฺโญ ปน จตุปฺปาทิกํปิ ๗- คาถํ นิกฺขิปิตฺวา อุปมา จ การณานิ จ โอสาเรตฺวา ๘- เตปิฏกํ พุทฺธวจนํ คเหตฺวา เหฏฺฐุปฺปริยํ กโรนฺโต กเถติ, ๙- มหาปญฺญตาย ปน กุมารกสฺสปตฺเถโร จตุปฺปทิกคาถํปิ นิกฺขิปิตฺวา อุปมา จ การณานิ จ อาหริตฺวา เตหิ สทฺธึ โยเชนฺโต ชาตสฺสเร ปญฺจวณฺณานิ กุสุมานิ ผุลฺลาเปนฺโต วิย สิเนรุมตฺถเก วฏฺฏิสหสฺสํ เตลปฺปทีปํ ชาเลนฺโต วิย เตปิฏกํ พุทฺธวจนํ

@๓ ฉ.ม. อาหริตฺวา ๔ ฉ.ม. ธมฺมํ กเถสิ ๕ องฺ. เอกก. ๒๐/๑๙๖/๒๓ เอตทคฺควคฺค