2. Sabbāsavasuttavaṇṇanā

[14] Evamme sutaṃ .pe. Sāvatthiyanti sabbāsavasuttaṃ. Tatrāyaṃ anupubbapadavaṇṇanā 2-:- sāvatthīti sāvatthassa isino nivāsanaṭṭhānabhūtā nagarī yathā kākandī mākandīti evaṃ tāva akkharacintakā. Aṭṭhakathācariyā pana bhaṇanti "yaṃ kiñci manussānaṃ upabhogaparibhogaṃ sabbamettha atthīti sāvatthī. Satthasamāyoge ca kiṃ bhaṇḍaṃ atthīti pucchite sabbamatthīti vacanamupādāya sāvatthī.

Sabbadā sabbūpakaraṇaṃ sāvatthiyaṃ samohitaṃ

tasmā sabbamupādāya sāvatthīti pavuccati.