Tepi tayo seṭṭhino pañcahi pañcahi sakaṭasatehi sappimadhuphāṇitādīni ceva paṭadukūlādīni ca ādāya kosambito nikkhamitvā anupabbena sāvatthiṃ patvā jetavanasāmante khandhāvāraṃ bandhitvā satthu santikaṃ gantvā vanditvā paṭisanthāraṃ katvā ekamantaṃ nisīdiṃsu. Satthā tiṇṇaṃpi sahāyakānaṃ madhuradhammakathaṃ kathesi. Te balavasomanassajātā satthāraṃ nimantetvā punadivase mahādānaṃ adaṃsu, punadivase datvā punadivaseti evaṃ aḍḍhamāsaṃ dānaṃ datvāva "amhākaṃ janapadaṃ āgamanāya paṭiññaṃ dethā"ti pādamūle nipajjiṃsu. Bhagavā "suññāgāre kho gahapatayo tathāgatā abhiramantī"ti āha. Ettāvatā paṭiññā dinnā nāma hotīti gahapatayo sallakkhetvā dinnā no bhagavatā paṭiññāti dasabalaṃ vanditvā nikkhamitvā antarāmagge yojane yojane ṭhāne vihāraṃ kāretvā

@5 cha.Ma. mahājaṭā 6 ka. tattha 7 cha.Ma. paṭṭunnadukūlādīni

@8 cha.Ma. puna nimantetvā 9 cha.Ma. datvā Anupubbena kosambiṃ patvā "loke buddho uppanno"ti kathayiṃsu. Tayopi janā attano attano ārāme mahantaṃ dhanapariccāgaṃ katvā bhagavato vasanatthāya vihāre kārayiṃsu. Tattha kukkuṭaseṭṭhinā kārito kukkuṭārāmo nāma ahosi. Pāvārikaseṭṭhinā ambavane kārito pāvārikambavanaṃ nāma ahosi. Ghositena kārito ghositārāmo nāma ahosi. Taṃ sandhāya vuttaṃ "ghositaseṭṭhinā kārite ārāme"ti.