Tatthe idhāti imasmiṃ sāsane. Paṭisaṅkhāti paṭisaṅkhāya. Tatrāyaṃ saṅkhāsaddo ñāṇakoṭṭhāsapaññattigaṇanāsu dissati. "saṅkhāyekaṃ paṭisevatī"ti ādīsu hi ñāṇe dissati. "papañcasaññāsaṅkhā samudācarantī"ti ādīsu koṭṭhāse. "tesaṃ tesaṃ dhammānaṃ saṅkhā samaññā"ti ādīsu paññattiyaṃ. "na *- sukaraṃ saṅkhātun"ti ādīsu gaṇanāyaṃ. Idha pana ñāṇe daṭṭhabbo.

Paṭisaṅkhā yonisoti hi upāyena pathena paṭisaṅkhāya ñatvā paccavekkhitvāti attho. Ettha ca asaṃvare ādīnavapaṭisaṅkhā yoniso paṭisaṅkhāti veditabbā. Sā cāyaṃ "varaṃ bhikkhave tattāya ayosalākāya ādittāya sampajjalitāya sañjotibhūtāya

@3 Ma.mū. 12/201/169 madhupiṇḍikasutta