Uppajjeyyunti nibbatteyyuṃ. Āsavā vighāṭapariḷāhāti cattāro āsavā ca aññe ca vighāṭakarā kilesapariḷāhā vipākapariḷāhā vā. Cakkhudvāre hi iṭṭhārammaṇaṃ āpāthagataṃ kāmassādavasena assādayato abhinandato kāmāsavo uppajjati, īdisaṃ aññasmimpi sugatibhave labhissāmīti bhavapatthanāya assādayato bhavāsavo uppajjati, sattoti vā sattassāti vā gaṇhantassa diṭṭhāsavo uppajjati, sabbeheva sahajātaṃ aññāṇaṃ avijjāsavoti cattāro āsavā uppajjanti. Tehi sampayuttā apare kilesā vighāṭapariḷāhā, āyatiṃ vā tesaṃ vipākā. Tepi hi asaṃvutasseva viharato uppajjeyyunti vuccanti.

@3 cha.Ma. vighātapariḷāhā evamuparipi 4 cha.Ma. ca

Evaṃsa teti evaṃ assa te eva, etena upāyena na honti, no aññathāti vuttaṃ hoti. Esa nayo paṭisaṅkhā yoniso sotindriyasaṃvarasaṃvutoti ādīsu.