Yo pana uppannā sārīrikā vedanā dukkhāpanaṭṭhena dukkhā, dukkhāvahanaṭṭhena tippā, pharusaṭṭhena kharā, tikhiṇaṭṭhena kaṭukā, assādavirahitato asātā, manassa avaḍḍhanato amanāpā, pāṇaharaṇasamatthatāya pāṇaharā adhivāsetiyeva, na vedhati. Evaṃsabhāvo hoti cittalatāpabbate padhāniyatthero viya. Ayaṃ "uppannānaṃ .pe. Adhivāsanajātiko"ti veditabbo.

Therassa kira rattiṃ padhānena vītināmetvā ṭhitassa udaravāto uppajji. So taṃ adhivāsetuṃ asakkonto āvattati parivattati. Tamenaṃ caṅkamapasse ṭhito piṇḍapātiyatthero āha "āvuso pabbajito nāma adhivāsanasīlo hotī"ti. So

@4 cha.Ma. assādavirahato 5 cha.Ma. manaṃ "sādhu bhante"ti adhivāsetvā niccalova sayi. Vāto nābhito yāva hadayaṃ phālesi. Thero vedanaṃ vikkhambhetvā vipassanto muhuttena anāgāmī hutvā parinibbāyīti.