[2] Idha bhikkhaveti yathāpaṭiññātaṃ desanaṃ desetuṃ puna bhikkhū ālapati. Ubhayenāpi bhikkhave imasmiṃ loketi vuttaṃ hoti. Assutavā puthujjanoti ettha pana āgamādhigamābhāvā ñeyyo assutavā iti. Yassa hi khandhadhātuāyatanasacca- paccayākārasatipaṭṭhānādīsu uggahaparipucchāvinicchayavirahitattā añātattā añāṇapaṭisedhako neva āgamo paṭipattiyā adhigantabbassa anadhigatattā neva adhigamo atthi. So āgamādhigamābhāvā ñeyyo assutavā iti. Svāyaṃ:-

puthūnaṃ jananādīhi kāraṇehi puthujjano

puthujjanantogadhattā puthu vāyaṃ jano iti.