@mahā. 19/13/11 sekkhasutta 3 aṅ. tika. 20/86/225 sekkhasutta 4 cha.Ma. sekkhoti

Appattaṃ mānasaṃ etenāti appattamānaso. Mānasanti rāgopi cittaṃpi arahattaṃpi. "antalikkhacaro pāso, yvāyañcarati mānaso"ti ettha hi rāgo mānasaṃ. "cittaṃ mano mānasan"ti ettha cittaṃ. "appattamānaso sekho, kālaṃ kayirā janesutā"ti ettha arahattaṃ. Idhāpi arahattameva adhippetaṃ. Tena appattārahattoti vuttaṃ hoti.

Anuttaranti seṭṭhaṃ, asadisanti attho. Catūhi yogehi khemaṃ anupaddutanti yogakkhemaṃ. Arahattameva adhippetaṃ. Patthayamānoti dve patthanā taṇhāpatthanā ca chandapatthanā ca.

"patthayamānassa hi jappitāni,