Ettha kattukamyatā kusalacchandapatthanā. Ayameva idhādhippetā. Tena patthayamānoti taṃ yogakkhemaṃ kattukāmo adhigantukāmo tanninno tappoṇo tappabbhāroti veditabbo. Viharatīti aññaṃ iriyāpathadukkhaṃ aññena iriyāpathena vicchinditvā aparipatantaṃ kāyaṃ harati. Athavā "sabbe saṅkhārā aniccāti adhimuccanto saddhāya viharatī"ti ādināpi niddesanayenettha attho daṭṭhabbo.

Paṭhaviṃ paṭhvito abhijānātīti paṭhaviṃ paṭhavībhāgena abhijānāti, na puthujjano viya sabbākāraviparītāya saññāya jānāti. Apica kho abhivisiṭṭhena ñāṇena jānāti. Evaṃ paṭhavīti etaṃ paṭhavībhāvaṃ adhimuccantoyeva naṃ aniccātipi

@2 abhi. saṅgaṇi. 34/63,65,68/32-3 3 saṃ. sagā. 15/159/146 godhikasutta