มัชฌิมนิกาย มูลปัณณาสก์

TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū. Suttantapiṭake majjhimanikāyassa paṭhamo bhāgo ------- mūlapaṇṇāsakaṃ namo tassa bhagavato arahato sammāsambuddhassa. Mūlapariyāyavaggo ------- mūlapariyāyasuttaṃ

[1] Evamme sutaṃ ekaṃ samayaṃ bhagavā ukkaṭṭhāyaṃ viharati subhagavane sālarājamūle . tatra kho bhagavā bhikkhū āmantesi bhikkhavoti . bhadanteti te bhikkhū bhagavato paccassosuṃ . bhagavā etadavoca sabbadhammamūlapariyāyaṃ vo bhikkhave desissāmi 1- taṃ suṇātha sādhukaṃ manasikarotha bhāsissāmīti . evambhanteti kho te bhikkhū bhagavato paccassosuṃ.