ทานํ วา พฺรหฺมจริยํ วา กตมํ สุ มหปฺผลนฺ"ติ ๑- ปญฺหํ ปุจฺฉิ. สกฺโก "ทานํ นาม กึ, สีลเมว คุณวิสิฏฺฐตาย มหนฺตํ. อหญฺหิ ปุพฺเพ มหาราช ทสวสฺสสหสฺสานิ ทสนฺนํ ชฏิลสหสฺสานํ ทานํ ทตฺวา ปิตฺติวิสยโต น มุตฺโต, สีลวนฺโต ปน มยฺหํ ทานํ ภุญฺชิตฺวา พฺรหฺมโลเก นิพฺพตฺตา"ติ วตฺวา อิมา คาถา อโวจ:-

"หีเนน พฺรหฺมจริเยน ขตฺติเย อุปฺปชฺชติ

มชฺฌิเมน จ เทวตฺตํ อุตฺตเมน วิสุชฺฌติ.

นเหเต สุลภา กายา ยาจโยเคน เกนจิ